翠豐臺

[2littlebertbert]

其實每次開會總是離不開吵吵鬧鬧,互罵,互批,互卸
開會的人準備永不及”有備而來”的旁聽者
問題出在那?
經驗? 可能啦, 能力? 可能啦,…
但最大問題是欠缺互信,互助,以及摸胡不清的程序
就一個新增的遊樂場設備,
住戶考慮安全,施工對結構的影響等…絕對正確
但業委會卻要提出表決
其實我真的不知是表決甚麼?
是表決落實,表決支持評估,還是其他?
其實一般工程也應有評估,可行性報告,現在有這樣做嗎?
住戶又質疑有否聆聽反對聲音
有人問點解我唔知?
有人問點解唔起其他?
每一項事總有人贊成,也必有人反對
業委會及管業處要做到所有人知並不可能(通告未必人人睇,貼滿大堂也未必人人理,更不會人人上網搵會議議程／紀錄),要做到人人認同,更不可能. 但這並不代表甚麼也不做,是更要做得清清楚楚, 有跟進,有改善意見也應接受.但連一個表決,也令人失望,五個人投票,二個贊成,三個棄權,究竟是通過,還是否決…也攪不清楚.下次最好表明立場
至於有備而來,做足功課的部份列席者,提出很多建設見意,也值得一讚
奈何有些做不到冷靜表達己見,要人注意態度,也要檢討自己語氣,每每做到質問,不能達到討論,只能在字眼中爭拗,真的為爭拗而爭拗,有點可惜.另外,又認為某些通告沒有張貼,某些紀錄太過簡單,某些太過難明.其實是否可以在會前向業委會及管業處反映,提醍未張貼的,證清不明地方,提議會議紀錄/ 報告的範例,甚至要求管業處提出支持項目理據,到開業委會時,就係向業戶交代跟進的時侯,假若仍有錯失,沒有改善,就真係抵鬧

[cachow]

相信每一個人都係想個屋苑好, 只不過好似道不同,就不相為某gei.

我都係第一次去聽, 都係感覺到個會議亂到不得了.

亂係因為好多時係業委同管理公司無準備充足, 引致每一個議題都是被質詢.

譬如話個氹氹轉咁, 係咪做足本份, 出咗通告等方法呢? 如果做咗, 就唔會被人問點解之前無提過?

同埋厠所水咁, 明知個問題未得到解決, 一定繼續問? 為何唔諗下去解決件事, 只係想胡混過關呢? 藍浪系統係咪唯一系統呢? 有無其他方法呢? 有無問過其他屋苑? 有無諗過請顧問公司幫手諗諗呢? 如果各業委同埋管理公司夠用心, 相信實有方法? 對唔對? 如果有一天解決到個問題, 到時大家實讚各業委同管理做得好.

同埋坐得業委就要準備充足, 我相信你們不是被捉上來做. 既然接咗個位, 就要做好本份, 不要說出"唔滿意就下屆唔好投我"呢d 說話, 呢d 真係不負責的說話, 更加唔相信出於佢地口中. 如果真係做得咁唔開心, 可以讓俾一些有熱誠的人.

我相信大家都係成年人, 大家都明咩叫責任, 咩叫議務. 唔好不斷推卸責任, 俾心機去做啦.
翠豐臺係大家都有份. 幫幫手啦