翠豐臺

[怪俠聖寶羅]

唔知係咪新年，我發覺呢幾個星期多左人無端端開我屋企大門，好彩我鎖左門0者，唔係咪死！

可能你會話呢d人係黎探朋友，摸錯門，但想深一層，點會有人探朋友連門鐘到唔按一下就開人門架，所以呼籲各位小心d。上次本來想立即衝出去問佢搵邊位，但轉過頭都唔見左佢，所以小心門戶呀各位！

管理處依家都做得好好，但可以再做好d同著緊d，隨左出入要登記外，探朋友送外賣等等最好都係要確認業主係度先俾佢入黎喇!!!!

[So]

咁 CSADMIN 真係要反映下

我寧願我們屋苑比人鬧保安嚴密好過比人讚服務好...

我都覺得我們保安對拜年人仕較為寬鬆，雖然拜年人仕係極低風險類別，但難免真係有人打扮光鮮混水摸魚

其實保安見到有陌生人拿著禮物，就算一家大細狀似拜年，亦可以好親切咁問係咪拜年，順便問埋找邊戶，如果覺得有小小風險，亦可要求登記。

有時咁o既服務未必係擾民，反而比人覺得我們保安專業盡責

好似 fourbanana 所講，根本唔應該發生，找人唔記得那戶可以打電話、打手提、按門鈴甚至拍門，點會試下自己開唔開到

[csadmin]

其實我地於新年前已經內部通告了保安組員工關於對一些較易被忽略之大士，例如叔伯、嬸嬸或穿著斯文之士，如非住客及自行開門者均要進行查問，因為有消息顯示有竊匪利用此類身份而喬裝找親人而進入屋苑，「即是白撞」，如被人識破則表示找錯地址，但不排除有其他動機，所以我地會小心留意 ，但希望大家如果有親人被我們大堂職員查問時，唔好有所誤會，最近亦曾因此類事件而引起了業戶家人不滿，其實大堂職員已被訓示會禮貌執行有關職務的。對於引起之不便，希望大家體恤。

[salvatore]

我贊成brian既講法~

csadmin加油唷~~~
_________________
Sal(音: 筲): 叫我Sal Sal就ok囉~

[怪俠聖寶羅]

其實大家自已都應該提高警覺....因為我地始終係無鐵門，只得一道門做"最後防線"
之前我都遇過有人按鐘話搵人(又係唔按鐘開門果隻)...
當佢話搵錯人走左之後，我即刻睇下電梯閉路電視，睇下佢有無可疑 ....