翠豐臺

[salvatore]

好日唔返去翠記~
今日下午諗住試玩會所GYM ROOM,
果個所謂既"專業"女教練,
只係行行企企,
一係就同d人"打口鉸"
傾親就5~10分鐘, 完全眼尾都無望下個GYM ROOM,
再唔係就望住個電視機睇電視~
毫無主動咁走去問d服務使用者有咩需要!!
我男友走埋去問有咩器材可以減肚腩,
佢話佢都唔係好識,
只係你唔識用d器材既話就可以問佢咁話喎~
我知呢d"專業"教練係外判, 人工係低, 但都唔係比d咁差服務我卦~

好老實, 我現在住既屋苑都有GYM ROOM, 設備好過晒翠記不在話下, 就算個健身教練係見到d相熟/唔相熟既使用者來GYM ROOM, 每次都會好主動咁走過來問有咩需要, 做正確示範比使者睇~ 又會提醒使用者玩之前先做WARM UP.

仲有, 又見到一個係泳池女救生員走入GYM ROOM取水飲,
佢唔係取水就即走喎, 仲係到"打口鉸"成4分鐘先捨得走~

講開泳池, 我早前曾經見到一名女救生員係泳池到開佐個住Tower 2既閘, 無掩埋亦無鎖好咁急急腳跑去Tower 2到~ 大約3分鐘跑回泳池先至鎖返個閘~

好啦, 諗住去沖身啦~
女更衣室沖身格得果4格

格1 一位老婦竟帶住5位小朋友(4男1女)沖身+玩水, 其中2男既小朋友仲光脫脫周身肥皂泡四周走來走去

格2 超過15分鐘都未捨得出來, 某女士入去問個丈究竟, 佢話仲未沖完喎~

格3 超離譜!! 一位妙齡女郎正沖身, 我正排隊等沖身, 竟另一妙齡女郎毫無廉恥咁係我面前走入去沖身, 雖然話係熟人, 都成20幾歲人啦, 識唔咩叫排隊呀姐姐~ 咁好啦, 又過10分鐘, 另一女士又用同樣方法打尖咁使用沖身, 真係不知所謂!!

格4 原來係格1既其中2名小男孩既家人, 其實呢位操外省口音既太太已經用15分鐘沖身, 佢沖完之後, 大大聲叫格1既女士帶2個小朋友沖身, 咁果2個小朋友成日肥皂泡咁走入去繼續沖~~ 沿途當然有滴d泡泡係我果到啦~

我就係咁呆等佐15+分鐘, 呢15+分鐘完完全全係白等, 完完全全係浪費我寶貴時間~
好抱歉, 我實在忍無可忍怒目相向格3既妙齡女郎, 再痛罵格4果位外省口音既太太一句:"你要用幾耐傢~~~~", 原來佢唔止係沖身咁簡單, 仲係到洗埋衫~ 有無攪錯呀~

我絶對唔介意用15+分鐘排隊沖身, 但記住: 係"排隊"等候, 但實際既情況係排都無用, 跟本就一個接一個咁打尖, 唔係佢家人/親友就企係晒係到呆等同望住佢地打尖。仲有, 我唔係好信格1同格4果2個女士再加埋個5個小朋友全部都係翠記居民!!
仲有, 我唔止見過一次, 之前都有見過有人係沖身間洗衫, 洗衫就返仁屋企洗到夠啦, 霸住個沖身間咁耐, 又浪費會所資源, 真係不知所謂~

最後, 問心果句, 係沖身洗頭既, 10分鐘之內就咩都沖乾沖淨啦, 洗唔洗開住個花洒15分鐘都唔捨得出來呀~ 離晒大譜~~

於是氣沖沖就走落去會所登記處到投訴, 唯一可讚既2位會所職員既禮貌相當好, 但報稱會所的高層放假未能作即時回應, 好, 我就即管等你們翠記員工點回應我~ 回應得我唔滿意既話唔好怪我出投訴信~

本人唔係想係到挑起事端, 但呢D人實在太過份, 希望各位翠記居民自律!!
_________________
Sal(音: 筲): 叫我Sal Sal就ok囉~

[2littlebertbert]

Oh no!
Remind those family (who 打尖沖身 in changing room) that they just share all facility & service in club house, not owned by them.
What are they doing actually? not swimming, just taking bath all day
Hopefully this is a special case, just done by a small portion of ST tenants


Please be considerate

[Luca]

之前有位中年男教練都唔錯,不過可能因為人工太低,見過兩,三個星期就沒做.後來個的表現真係一落千丈...會所請人真係要認真的,如果有教練在場而有人因不當使用器材引致受傷,到時真係有理記不清

[Luca]

其實的家長都唔為下一代諗下,做出又打尖又係會所洗衣服呢的自私行為,只會令自己的小朋友認為那些自私行為係全對,以後只會變本加厲,自己害自己的小朋友.

仲有,那兩位小男孩幾大,如果可以照顧自己應叫他們入男更衣室沖身啦.

[clubadmin]

多謝你的意見！
關於你在8月7日的經歷，敝公司已聯絡了教練及救生員的負責人了解及警告是次事件，我們亦希望在短期內更換適合人選，能提供專業意見及服務給各住戶。
另外，我們張貼一些告示牌，提醒住戶排隊使用浴室。如在繁忙時間，人流太多的話，我們也歡迎住戶使用P-5的浴室。
若要控制住戶使用浴室之時間可能會存在一定困難，但最重要的是各住戶能自律及體諒別人輪候之苦。

[OVER]